صباح الحب صباح الورد صباح أحلا من السكّر
صبـاح هـاديٍ غـرّد بـه العصفـور بألحـانــــــه
صباح التوت والكـادي صبـاح المبسـم الأحمـر
صباح الضحكـه الحلـوه ونظـره منـك خجلانـه
صباح الخـوخ لاعانـق عناقيـد الكـرز وأثمــــر
صباح النفل .. لاخالط عبيـره .. ريـح ريحانـه
صباح (اللثغة) بلسانـك صبـاح الناظـر الأحـور
صبـاح (التمتمـه) بشفـاك أموّلهاعلـى دااانـــه
صباح الهيل والدلّـه صبـاح الـروض لا خضّـر
صباح الفلسفه والطيـش ومشيـه منـك طربانـه
صباح الشعـر والشاعـر حروفـه فيـك تتبختـر
مـدام إسمـك يغذّيهـا أكيـد تكـون رويـااانــــــه
هلا بـك كثـر ماجيتـ ورحتـ لا بعـد أكثـــر
هلا بك كثر مـا يبكـي الحزيـن بدفتـر أحزانـه
هلا بك ليش أكررهـا وهـي فـي طلتـك تصغـر
يحيـر القـاف بيدينـي وتسافـر كـل أشجـانـــه
أشوف الورد بحضورك تنفّـس وإنتعـش وأزهـر
أشـوف البيـت بقدومـك تغنّـت كـل جـدرانــــــه
